നാട്ടില് പോയി തിരിച്ചെത്തി കുറച്ചു നാള് കഴിഞ്ഞപ്പോ അമ്മദ്ക്കാക്ക് കെട്ട്യോളുടെ കത്ത് വന്നു....
ഒരുപാടെഴുതിയ കത്തിലെ വരികള്ക്കിടയില് ,,
നിങ്ങള് ഇപ്രാവശ്യം വന്നു പോയപ്പോഴും എന്റെ കുളി തെറ്റി
എന്നെഴുതിയത് കണ്ടപ്പോള് അമ്മദ്ക്കാക്ക് ഒരുപാട് സന്തോഷമായി
അമ്മദ്ക്ക മനസ്സില് പറഞ്ഞു
ഇതെങ്കിലും ആണ്കുട്ടിയായിരിക്കണേ റബ്ബേ .....
കാരണം ...ഇതുവരെ നാല് പോക്ക് നാട്ടില് പോയതിന് ...
കിട്ടിയത് നാലും പെണ്കുട്ടികളെയാ ..
ദിവസങ്ങളും മാസങ്ങളും പെട്ടന്ന് കടന്നു പോയി
ഒടുവില് ഡോക്ടര് പറഞ്ഞ ആ ദിവസമെത്തി ...
ബിയ്യാത്തു അവിടെ പ്രസവ മുറിയില് നിലവിളിക്കുമ്പോള്
അമ്മദ്ക്ക ഇവിടെ വാടക മുറിയില് പടചോനോട് പ്രാര്ഥിച്ചു കൊണ്ടിരിക്കുന്നു ..
പടച്ചോനെ ഇതെങ്കിലും ഒരാണ്കുട്ടിയെ തരണേ ..
ഇനിയും എന്ന ബെഷമാതിലാക്കല്ലേ...
തൊട്ടടുത്ത ഷോപ്പിലെ കുഞ്ഞിമൂസ ഓടി വന്നു പറഞ്ഞു
അമ്മദ്ക്കാ അമ്മദ്ക്കാ ..നാട്ട്ന്ന് ഫോണ് വന്ന്ക്ക് ....
ഇങ്ങള പ്രാര്ത്ഥന പടച്ചവന് കേട്ടു..
ബിയ്യാത്തു പെറ്റ് ,,, ആങ്കുട്ട്യാ.................
സുന്തരനായ ഒരാണ് കുട്ടിയെ കിട്ടിയ സന്തോഷത്തില് ...
വാടക മുറിയില് അമ്മദ്ക്ക തുള്ളി ചാടി
കണ്ടു നിന്ന സഹമുറിയന്മാര് അമ്മദ്ക്കാന്റെ സന്തോഷത്തില് പങ്കാളികളായി ...
ഇതുവരെ തന്റെ മനസ്സില് കൊണ്ട് നടന്ന പേരുമായി അമ്മദ്ക്ക ടെലിഫോണ് ബൂത്തിലേക്കോടി
ആശുപത്രി റിസപ്ഷനിലെ നമ്പര് കറക്കി .....
അങ്ങേത്തലക്കല് അമ്മദ്ക്കാന്റെ അമ്മായി കുഞാമിയുടെ ശംബ്ദം കേട്ട അമ്മദ്ക്ക പറഞ്ഞു
മോന്റെ പേര് മുബാഷിര് ന്നിട്ടാ..മയ്യേ ...
കുറച്ചു ദിവസങ്ങള് കഴിഞ്ഞപ്പോള് .....
സഹമുറിയന്മാരിലെ തലതെറിച്ചവനായ ഹാഷിമ്ക്ക പറഞ്ഞു
അമ്മദ്ക്ക അമ്മദ്ക്കാ ...കുഞ്ഞിമ്മോന് മുബാഷിര് ന് വേണ്ടി ഒരു താരാട്ട് പാട്ട് റിക്കോഡ് ചെയ്യിച്ച് കൊടുതയക്കണ്ടേ ഞമ്മക്ക് ....
ഇപ്പൊ അതാണൊരു ഫേഷന് ...എല്ലാ ഗള്ഫുകാരും കൊടുതയക്കുന്നുണ്ട് ..
ഇതുകേട്ട അമ്മദ്ക്ക
അല്ലാഷിമേ അയിനിപ്പോ ആരക്കൊണ്ടാ ഞമ്മളത് പാടിച്ച് റിക്കോഡ് ചെയ്യിക്ക്വാ ...?
അയിനോന്നും ഇങ്ങള് ബേജാറാകണ്ട ...എന്റെ അമ്മദ്ക്കാ
എന്റെ കേറോഫില് അയിനൊക്കെ ആള്ക്കാരുണ്ട് ..
എന്നാപ്പിന്ന ഇഞ്ഞയിന്റെ പണി നോക്ക് ..
രണ്ട് ദിവസം കഴിഞ്ഞപ്പോള് ഷോപ്പിലെ കുഞ്ഞിമ്മൂസ്സ വന്നിട്ട് അമ്മദ്ക്കാനോട് ...
അമ്മദ്ക്കാ ..ആ കേസറ്റിന്റെ ആള് വിളിചിക്കെനും ...
കുഞ്ഞന്റെ പേരെന്തന്നാന്ന് ഒന്നും കൂടി പറഞ്ഞ്വോടുക്ക്യെന് ...
ആന്താടോ കുഞ്ഞന്റെ പേര് മുബാഷിറാ ന്നോലോട് പറഞ്ഞെല്ലേ ...
മാണേ ഒന്നൂട്യങ്ങ് പറഞ്ഞേക്ക് ...
കുഞ്ഞിമ്മൂസ തിരിച്ചുപോയി ..
മൂന്നാം ദിവസം കേസട്ടുമായി ഹാഷിമ്ക്ക വന്നു ...
ഹാഷിമ്ക്ക തന്നെ റൂമിലുള്ള സോണി പാനാസോണിക്ക് ടേപ്പ് റിക്കോര്ഡറില് കേസറ്റിട്ട് പ്ലേ ബട്ടണ് അമര്ത്തി .....
സഹമുറിയന്മാര് എല്ലാവരും ഉത്സാഹത്തോടെ കാതോര്ത്തിരുന്നു ....
പാട്ട് പാടാന് തുടങ്ങി .....
പൂമകളാണേ മുബാഷിറ മോളെ ....
പുന്നാര ഉപ്പാന്റെ പൊന്നുമോളെ .....
രണ്ട് വരി പാടി തുടങ്ങിയപ്പോള് തന്നെ കേട്ടവര് കേട്ടവര് മൂക്കത്ത് വിരല് വെച്ചു...
ഇത് കേട്ട അമ്മദ്ക്ക കലിപൂണ്ട കണ്ണുമായി ഹാഷിംക്കാനെ നോക്കി ...
അപ്പോള് ഹാഷിമ്ക്ക അവിടെ കമിഴ്ന്ന് കിടന്ന് ചിരിക്കുകയായിരുന്നു .......
No comments:
Post a Comment