എന്റെ പത്താം ക്ലാസിലെ അവസാന കാലഘട്ടം ..അന്നൊക്കെ പുതിയ പുതിയ മാപ്പിള പാട്ടിന്റെ കേസറ്റുകള് എനിക്ക് തന്നിരുന്നത് കൂടെ പഠിക്കുന്ന അലിയായിരുന്നു ..ഞാന് കൊണ്ട് പോയി കേള്ക്കും രണ്ടും മൂന്നും ദിവസം കഴിഞ്ഞ് തിരിച്ചു കൊടുക്കും .....
''പൊന്നു സഖി ഏതിനാ പിണക്കമെന്നോടെന്തിനാ''.........
''നാത്തൂന് മാരെ എന്റെ നാത്തൂന് മാരെ'' ....
തുടങ്ങിയ ഇന്ന് കേള്ക്കുമ്പോള് ചളി എന്ന് തോനുന്ന അന്നത്തെ ഹിറ്റ് ഗാനങ്ങള് ..അങ്ങനെ എല്ലാ പുതിയ പാട്ടും അലിയുടെ അടുത്ത് ആദ്യം എത്തുമായിരുന്നു ....അവനായിരുന്നു എന്റെ ഉറ്റ ചങ്ങാതിയും ............
വര്ഷാവസാനമായാത് കൊണ്ട് തന്നെ ഓട്ടോഗ്രാഫ് എഴുത്തും കാര്യങ്ങളുമൊക്കെ തകിര്ദിയായി നടക്കുന്നു ....
പിന്നെ എല്ലാവരെയും പോലെ തന്നെ ക്ലാസിലെ കാണാന് മൊഞ്ചുള്ള പെണ്കുട്ടികളോടൊക്കെ വണ് വേ പ്രേമം മനസ്സില് കൊണ്ട് നടക്കുന്ന സ്വഭാവം എനിക്കും ഉണ്ടായിരുന്നു ...
അന്നൊരു ദിവസം അലിക്ക് തിരിച്ചു കൊടുക്കാന് കൊണ്ട് വന്ന കേസറ്റ് കണ്ടിട്ടാവാം അവളെന്നോട് ചോദിച്ചത് ...
അതേതാ ആ കേസറ്റ് ?
ഇത് പുതിയ മാപ്പിള പാട്ടാ.... ഞാന് മറുപടി പറഞ്ഞു
എന്നാല് ഇന്നതെനിക്ക് തരുമോ...?
ഞാന് കേട്ടിട്ട് നാളെ തിരിച്ചു തരാം
ഇത് കേട്ട എന്റെ മനസ്സില് സന്തോഷം കൊണ്ട് എന്തൊക്കെയോ പൊട്ടി ...(അന്നീ ലഡ്ഡു പൊട്ടുന്ന ഏര്പ്പാട് തുടങ്ങിയിട്ടില്ലായിരുന്നു ....) കാരണം എന്റെ വണ്വേ പ്രേമത്തില് പെട്ട ഒരു കുട്ടി അവളായിരുന്നു
ഞാന് പറഞ്ഞു ...
ഓ.. നീ കൊണ്ടുപൊയ്ക്കോ ..നാളെയോ മറ്റന്നാലോ തിരിച്ചു തന്നാ മതി
പിന്നീട് പിന്നീട് ഞാനതൊരു ശീലമാക്കി ,,അവള് ചോദിക്കാതെ തന്നെ അവള്ക്കു കേസറ്റ് കൊടുക്കാന് തുടങ്ങി ...കുശുംബ് തോനിയ അലി എനിക്ക് കേസറ്റ് തരുന്നത് നിര്ത്തലാക്കിയപ്പോള് ഞാന് കാശ് മുടക്കി വാങ്ങാന് തുടങ്ങി .....
പക്ഷെ എന്നിട്ടൊന്നും ഇവളോടുള്ള എന്റെ മുഹബ്ബത് എനിക്ക് പറഞ്ഞറിയിക്കാന് ദൈര്യമില്ലായിരുന്നു ...അപ്പോഴാണ് എന്റെ മനസ്സില് ആ ഒരു ബള്ബ് കത്തിയത് ..അവള്ക്കു കൊടുക്കുന്ന കേസട്ടില് എന്റെ പ്രേമ അഭ്യര്ത്ഥന നടത്താം.........
രാത്രി വീട്ടില് എല്ലാവരും `ഉറങ്ങിയ സമയം ...ടേപ്പ് റിക്കൊഡിന്റെ റിക്കോഡ് ബട്ടണ് അമര്ത്തി ഞാനെന്റെ മനസ് തുറന്നു
എന്റെ സുര്മീ.........
ഞാന് നിന്നെ ഒരുപാടോരുപാട് ഇഷ്ടപ്പെടുന്നു
നീയെന്റെ ശ്വാസമാണ് ....നീ എന്റെ ഖല്ബാണ് ....
നീ എന്നോട് മിണ്ടാനും പറയാനും തുടങ്ങിയത് മുതല്
എനിക്ക് കിടാന്നാല് ഒറക്കം വരാറില്ല ...
എന്റെ ഈ പ്രണയം നിന്നെ അറിയിക്കാന് ഞാന് ഒരുപാട് എഴുത്തുകള് എഴുതിയിരുന്നു ...പക്ഷെ എന്റെ പേടി കൊണ്ട് ഇത് വരെ ഒന്നും തരാന് കഴിഞ്ഞില്ല
എല്ലാ പെണ്കുട്ടികളും എന്റെ ഓട്ടോ ഗ്രാഫില് ഓള് ദി ബെസ്റ്റ് എന്ന മൂന്ന് വാക്ക് മാത്രം ഇംഗ്ലീഷില് എഴുതിയപ്പോള് നീ മാത്രമായിരുന്നു ഇങ്ങനെ എഴുതിയത്
നീ എന്നെ മറന്നാലും ഞാന് നിന്നെ മറക്കില്ല
ജീവിതത്തിന്റെ തിരക്കിനിടയില് എവിടെയെങ്കിലും വെച്ച് കണ്ടുമുട്ടിയാല് ഒന്ന് പുഞ്ചിരിക്കാന് മറക്കരുതേ .....
ഇങ്ങനെയൊക്കെ നീ എഴുതിയത് കണ്ടപ്പോള് നിനക്ക് എന്നെയും ഇഷ്ടമാണെന്ന് ഞാന് കരുതിപ്പോയി ....
എന്റെ ഖല്ബെ ഇത് കേട്ടിട്ടെങ്കിലും നീ നിന്റെ മനസൊന്നു തുറക്കൂ ......
നിന്റെ മറുപടിക്ക് വേണ്ടി ഞാന് കാത്തിരിക്കുന്നു......
ഇങ്ങനെ വായില് തോനിയ എന്തൊക്കെയോ ഞാനതില് റിക്കോഡ് ചെയ്തു
s s l c പരീക്ഷ തുടങ്ങുന്നതിന് രണ്ട് ദിവസം മുമ്പുള്ള ഒരു ദിവസം ...
ഞാനിതില് എന്റെ ഹൃദയം തുറന്നിട്ടുണ്ടെന്നോന്നും പറയാതെ എന്നും കേസറ്റുകള് കൊടുക്കാറുള്ള പോലെ അന്നും ആ കേസറ്റ് ഞാനവള്ക്ക് കൊടുത്തു ..
അവളത് വീട്ടില് കൊണ്ടുപോയാല് തനിചിരുന്നാണോ കേള്ക്കുക അതോ വീട്ടിലുള്ള എല്ലാവരും ഒരുമിച്ചാണോ കേള്ക്കുക എന്നൊന്നും ഈ പ്രണയ ഭ്രാന്തന് ഓര്ത്തില്ല .....
പിറ്റേന്ന് ആ അധ്യായന വര്ഷത്തെ അവസാന ദിവസം...
ഞാന് പതിവിലും നേരത്തെ സ്കൂളിലേക്ക് പോയി ...ഉള്ളില് ചെറിയൊരു ചഗ്ഗിടിപ്പോടെ ..........
ക്ലാസില് വെല്ലടിക്കാറായിട്ടും അവളെ മാത്രം കാണുന്നില്ല ഇനിയെങ്ങാനും ഇതവള് വീട്ടില് പറഞ്ഞു കുലുമാലാക്കിയോ.....
എനിക്കെന്റെ പേടി കൂടിക്കൂടി വന്നു ....
അപ്പോഴാണ് ഒരു കുട്ടി ക്ലാസില് വന്നു പറയുന്നത് മുജീബിനെ സ്റ്റാഫ് റൂമിലേക്ക് വിളിക്കുന്നെന്ന് ...ഞാനതേ ചഗ്ഗിടിപ്പോടെ സ്റ്റാഫ് റൂമിലേക്ക് പോയി ....ടീച്ചേഴ്സ് എല്ലാവരുമുണ്ട് സ്റ്റാഫ് റൂമില്,,, കൂട്ടത്തില് അവളെയും കണ്ടപ്പോള് ഞാന് പേടിച്ചത് തന്നെ സംഭവിച്ചു എന്ന് ഞാന് മനസില് ഉറപ്പിച്ചു ....
എന്നോടൊന്നും ചോദിക്കാതെ തന്നെ കുഞ്ഞിരാമന് മാഷ് അവിടെയുള്ള ടേപ്പ് റിക്കോഡര് ഓണ് ചെയ്തു .....
എന്റെ സുര്മീ ......
ഞാന് നിന്നെ ഒരുപാടോരുപാട് ഇഷ്ടപ്പെടുന്നു
നീയെന്റെ ശ്വാസമാണ് ..നീ എന്റെ ഖാല്ബാണ് ...
നീ എന്നോട് മിണ്ടാനും പറയാനും തുടങ്ങിയത് മുതല്
എനിക്ക് കിടാന്നാല് ഒറക്കം വരാറില്ല ........................
തുടങ്ങി ഞാനതില് പറഞ്ഞതെല്ലാം മുഴുവന് ടീച്ചേഴ്സും കേട്ടു..
എല്ലാവരുടെയും നോട്ടം എന്റെ മുഖത്തേക്ക് ....
ഞാനവരുടെ മുന്നിലും പ്രത്യേകിച്ച് അവളുടെ മുന്നിലും ചമ്മി
ഈ ചമ്മല് എനിക്കൊരു പുത്തരിയല്ലെങ്കിലും അന്നത്തെ ആ ചമ്മല് വല്ലാതെ മനസ്സില് കൊണ്ടു ....
പിന്നീടായിരുന്നു കുഞ്ഞിരാമന് മാഷുടെ ചൂരല് പ്രയോഗം
''മീശ കിളിര്ത്തില്ല അപ്പോഴേക്കും അവന്റെ ഒരു ലവ് സ്റ്റോറി ''
തുടങ്ങിയ ഡയലോങ്ങോടു കൂടിയായിരുന്നു അടി
ആ ഓരോ അടിയും എന്റെ കൈ വെള്ളയില് വീഴുംതോറും ഞാനവളുടെ കണ്ണിലേക്ക് തന്നെ നോക്കി ...ഇനി വല്ല സഹതാപ തരങ്കവും അവളുടെ മനസ്സില് കേറിയാലോ എന്നോര്ത്ത് .......
അന്ന് ആ അടി എത്ര കിട്ടിയെന്ന് എനിക്കോര്മയില്ല ....
എല്ലാം കഴിഞ്ഞു അന്ന് സ്കൂളില് നിന്നും യാത്ര പറയുമ്പോള് അവള് എന്നെ വല്ലാത്തൊരു നോട്ടം നോക്കിയിരുന്നു ......
പിന്നെ അവള് എന്റെ കണ്ണില് നിന്നും മറയുന്നത് വരെ ഞാനും നോക്കി നിന്നു..............................................................!!!!!!!!!!
ഈ കഥ ഞാനിപ്പോള് നിങ്ങളോട് പറഞ്ഞു
ഇനിയും കുറെ വര്ഷങ്ങള് കഴിഞ്ഞാല് ഞാനിതെ കഥ എന്റെ പേരക്കുട്ടിയോട് പറയും
അപ്പോള് അവന് എന്നോട് ചോദിക്കും
ഉപ്പാപ്പാ ....ഉപ്പാപ്പ ...പിന്നെ ആ ഖല്ബിനെ ഉപ്പാപ്പ കണ്ടിട്ടില്ലേ ..?
അപ്പൊ ഞാനിതിന് അവനോടൊരു മറുചോദ്യം ചോദ്യം ചോദിക്കും
അന്നത്തെ ആ ഖല്ബ് ആരാന്നറിയോ എന്റെ മോന് ..?
അത് കേട്ട് ഉത്സാഹത്തോടെ അവന് ,,,,
ഇല്ലുപ്പാപ്പാ .....ഇങ്ങള് പറ .....
അങ്ങനെ ഞാനത് പറയും ......
ഇതാ.... ഈയിരിക്കുന്ന നിന്റെ ഈ ഉമ്മാമയായിരുന്നു .....
അന്നത്തെ എന്റെ ആ ഖല്ബ് ......................................( ശുഭം )
( ......ഉസ്താദ് ഹോട്ടല് ഞാന് കണ്ടിട്ടില്ല )
No comments:
Post a Comment