ഞങ്ങളെ മിക്സുബിഷി പിക്കപ്പ് വിറ്റ് പുതിയ 407വാങ്ങിയ സമയം
കാര്യമായ പണിയൊന്നും കിട്ടാത്തെ കുറ്റ്യാടി പിക്കപ്പ് സ്റ്റാന്റ്റില് നില്ക്കുന്ന സമയത്താണ് കുമ്മാട്ടി ഹമീദ് ക്ക എന്നോടു വന്നു ചോദിച്ചത് ..
മുജീബെ ഇനിക്ക് മീന്ന് പോക്വോനാവ്വോ ..ന്ന്
ബേഡ്ജ് പോലും കിട്ടിയിട്ടില്ല എങ്കിലും വണ്ടി ഓടിക്കാനുള്ള പുളിപ്പ് തലയില് കേറി നിക്കുന്ന സമയമായതു കൊണ്ട്
ഞാന് പറഞ്ഞു ...
ഓക്കേ ഹമീദ് ക്കാ ഞാന് പോകാം..
ഇതുകേട്ട ഹമീദ് ക്ക പറഞ്ഞു
നല്ല പാച്ചല് പായണ്ട്യെ ബെരുവേ ..
ശരി ഹമീദ് ക്കാ അതൊക്കെ ഞാനേറ്റു ... എന്നും പറഞ്ഞു ഞാന് വണ്ടി ശാട്ടാക്കി ..
ഹമീദ്ക്ക വന്നില്ല പകരം ഒരു ഗഫൂര് എന്നവനെ എന്റെ കൂടെ വിട്ടു ..
ആദ്യം പോയത് നേരെ ചോമ്പാല്ലേക്ക് ..
അവിടന്ന് വണ്ടി നിറയെ ഐസ് ബ്ലോക്ക്കേറ്റി താര്പായ ഇട്ട് മൂടി ..
പിന്നെ ചാടി വണ്ടിയില് കേറിയ ഗഫൂര് പറഞ്ഞു
ചവിട്ടി വിട്ടോ വടകരക്ക് ..
ആടെണ്ട് ഒരു ബോട്ട് നിറയെ മത്തി വന്ന്ക്ക്
വടകര കടപ്പുറം എത്തിയപ്പോള് ആ മത്തി ആണുങ്ങള് കൊണ്ട് പോയിരുന്നു
വീണ്ടും വണ്ടിയില് ചാടി ക്കേറിയ ഗഫൂര്
ചവിട്ടി വിട് കോയിക്കോടെക്ക് ..
ഞാനെന്റെ ആവതു പോലെ വണ്ടി പറപ്പിക്കുംപോഴും
ഗഫൂര് പറയുന്നു ..
കാല് കൊടുത്ത് പോട്ടെ കാല് കൊടുത്ത് പോട്ടെ ...
അതിനിടയില് കാണുന്ന ടെലിഫോണ് ബൂത്തിലൊക്കെ നിര്ത്തുകയും വേണം ....
കോഴിക്കോട് വെള്ളയില് കടപ്പുറത്തെത്യേരെ അവിടെയും മീനില്ല
വീണ്ടും വണ്ടിയില് ചാടിക്കേറിയ ഗഫൂര് പറഞ്ഞു
ബിട് കണ്ണൂരേക്ക് ....
അല്ലംബ്ബാ ഇപ്പം അംബയിക്ക്ന്നല്ലേ ഞമ്മള് വന്നത് ,,
എന്ന് ചോയ്ക്ക്വോന് തോനിയെങ്കിലും ഒന്നും മിണ്ടാത്തെ ഞാന് വണ്ടി കണ്ണൂരേക്ക് വിട്ടു
ഒന്ന് മുള്ളാന് പോലും സമയം കിട്ടാത്തെ ഹൈവേയിലൂടെ മരണപാച്ചല് പായുംപോഴെല്ലാം ഗഫൂര് പറയുന്നു
കാല് കൊടുത്ത് പോട്ടെ കാല് കൊടുത്ത് പോട്ടെ ...
ഇത് കേട്ട് പെരാന്ത് പിടിച്ച എനിക്ക് എന്റെ കാലെടുത്ത് ഇവനൊരു ചവിട്ട് കൊടുത്താലോന്ന് തോന്നിപ്പോയി ..
കണ്ണൂരെത്തി ഗഫൂര് വണ്ടിയില് നിന്നും ഇറങ്ങി..
ഞാനൊന്ന് മരിയാതിക്ക് ശ്വാസം വിടുന്നതിന് മുന്നേ ഗഫൂര് വീണ്ടും ഓടി വരുന്നു ..
ഇബ്ടതോം പോയി പിന്നേം ബിട് കോയിക്കൊടെക്കെന്നെ ..
പടച്ച തമ്പുരാനേ ഇതെന്തൊരു കുടുക്കിലാ ഞാന് കുടുങ്ങ്യെ എന്ന് മനസ്സില് പിറ് പിറ് ത്ത് കൊണ്ട് ഞാന് വീണ്ടും വണ്ടി കൊയിക്കോടെക്ക് വിട്ടു ..
പായുന്ന പാചലില് ഞാന് ചോയ്ച്ച്
അല്ല ഗഫൂറെ ......ചായ്യോ ചോറോ എന്തെങ്കിലും ഒന്ന് കയ്ക്കണ്ടേ
ബാക്കീള്യോന് മീന് കിട്ടേറ്റ്ള്ള ബെജാറാ അന്നെരാ ഇഞ്ചോരു ചായ
ഞാനത് പറഞ്ഞു തീരുന്നതിനു മുന്നേ ഗഫൂറിന്റെ മറുപടി ഇങ്ങനെയായിരുന്നു ..
കോയിക്കോട് എത്തിയതും ,,,,,,,,
അവിടന്നും ഗഫൂര് ഓടി വരുന്നു
ബിട് ബിട് ബടെരക്ക്യന്നെ ബിട് ..ആടെണ്ട് കുഞ്ഞിമ്മത്തി എറങ്ങീക്ക്,,,
വടകര എത്തിയപ്പോള് എന്തോ പടച്ചോന്റെ കുദ്രത് കൊണ്ട്
ആടന്നാ കുഞ്ഞിമ്മത്തി ലോഡാക്കി ...
എല്ലാം കഴിഞ്ഞു വണ്ടിയില് കേറിയ ഗഫൂര് അത് വരെ കണ്ട ഗഫൂറെ അല്ല ..മുകത്ത് ചിരി നല്ല വര്ത്താനം ...മൂപ്പര് ഹേപ്പി ..
അവിടന്ന് വരുന്ന വഴിക്ക് ഗഫൂര് എന്നോടു പറഞ്ഞു
ഇതാണ് മുജെബെ മീന് പാച്ചല് ...എന്നാലും ഇനിക്ക് ഭാഗ്യെണ്ട് ...
ഇന്ന് ബലിങ്ങനെ പായണ്ട്യെ വന്ന്ക്കില്ലാലോ ..
ഇപ്പാച്ചാല് മൊത്തം പാഞ്ഞിട്ടും ഇവനീ പറയുന്നത് കേട്ട് ഞാന് അന്തം വിട്ടു ..
അങ്ങനെ അവനോട് ഞാന് പറഞ്ഞ് ...
ഈന്റെ പേര് മീന് പാച്ചല് ന്നല്ല മാണ്ട്യെ
ബെളിചിലോട്ടം ന്ന്ടണം ബെളിചിലോട്ടം ...
അല്ല പിന്ന ..................
(അതിനു ശേഷം മീന് വണ്ടീലേക്ക് ഞാന് ,,ങേ ഹെ!! )
No comments:
Post a Comment